LH 2.maila irteera: Atxondo

Gaur 2.mailako ikasleak irteera eguna izan dugu. Atxondon zehar pasa dugu eguna.

Autobusak Apatan utzi gaitu eta aterri zela aprobetxatuz, bidegorritik Axpera arte joan gara.

Bidean hainbat animali ikusi ditugu: zaldiak, behiak… Naturaren hurbiltasuna eta edertasuna aztergai izan dugu ere.

Behin Axpera helduta, frontoian lekua hartu eta bazkaria jan dugu. Autobusa bila etorri zaigunera arte jolasean ibili gara inguruko txintxaunetan eta plazan. Ondoko baserri baten bisonteak ere ikusi ditugu.

Espero genuena baina eguraldi atseginagoaz gozatzeko aukera izan dugu azkenean. Primerako eguna izan da!

ROOM 13

Badaroagu hilabete batzuk martxan Room 13n izena eman genuen ikasleak!! Bazkal ondorengo tarteetan gauza bikainak sortzen ditugu.

Hona hemen izandako saioetako argazki batzuk:

 

 

 

 

 

2. ESKUKO LIBURU AZOKA

Zapatuan Liburuaren Nazioarteko eguna dela eta, aste honetan ikastolan 2. eskuko liburu azoka antolatu dute Agenda 21eko partaideek.

Aste guztian zehar, etxeko liburuak ekarri ditugu ikasleok eta gaur liburu guztien erakusketa prest izan da gimnasioan. 

Bertara hurbildu gara lehen zikloko ikasleak, euro baten truke liburu bat erostera.

Jakin badakigu, erosketei esker biltzen den dirua durangaldeko "La otra mirada" GKEk Senegalen duen proiektua burutzeko erabiliko dela. 

ASTE SANTUKO OPORRAK HELDU DIRA

Gaur izan da Aste Santu aurretiko azken eguna.

Pozez beteriko egun eguzkitsua izan da guztiontzat.

Bigarren hiruhilekoa bukatuta bagoaz, bi astez deskantsatu eta familia eta lagunekin disfrutatzera.

Ondo pasatu daizuela espero dugu lehen zikloa osatzen dugun ikasle zein irakasleok!

Bueltan ikusiko gara, ondo izan!

ZIRKOAN IZAN GARA!

Pasa diren asteko hiru egunetan, bazkal ondoren zirkoan izan gara.

Joan zen astean, 3.mailako ikasleek gonbidapenak ekarri zizkiguten eta asko poztu ginen. Soin Hezkuntzako saioetan prestatutako ikustaldia ezagutzera emateko momentua heldu zaie.

    

Lehen zikloko azken bi taldeak gaur izan gara zirkoan: lehoiak, gizon indartsuak, gimnastak... izan dira ikusgai.

Bikaina izan da aktuazioa!

MARTXOAK 12: ZUHAITZ EGUNA

Datorren zapatuan, Zuhaitz Eguna ospatuko da ikastolan. Ikastolako dekorazio lanetan murgilduak gaude jada.

Ohitura den bezala, zapatuan hurbiltzen garen guztiok dantza eta musika ekitaldiaz gozatzeko aukera izango dugu 11etan. 

Ezin dugu ahaztu ekitaldirako sarrera lortzeko erabiltzen ez dugun eskola materiala ekarri behar dugula. Horren truke txarteltxo bat emango digute jai bukaeran lora bategatik alda dezakeguna.

 

Azkenik, nola ez, ekitaldi eta lora banaketa bitartean aurtengo zuhaitza landatuko dugu ikastolan.

Animatu gaitezen zapatu goiz ezberdin bat bizitzera!

IKASTOLAKO ORTUAN IZAN GARA

Martitzen eta gaur bitartean Lehen Hezkuntzako lehen mailako ikasleak ikastolan landatzen hasi berri dugun ortuan izan gara.

Haur Hezkuntzako 5 urteko ikasleek bigarren hiruhilekoan zehar lorontzietan landatu eta zaindu dituzten landareen zainketa guri pasa digute: indabak, idarrak, indabak eta lorea. 

5 urteko ikastalde bakoitzak lehen mailako ikastalde bati eman dio ardura.

Horrez gain, taldeka antolatuta, ortuan letxuga bana landatzeko aukera izan dugu ere: palarekin zuloa egin, letxuga sartu, lurraz estali, lurra zapaldu eta landarea lehen aldiz ureztatu dugu.

Hona hemen esperientziako argazkitxo batzuk ikusgai:

Hemendik aurrera badugu zeregina eta ardura ortuko zatitxo batean!