BENETAKO ARTISTAK!

Aurreko baten aipatu bezala, artista taldea dugu 1.B taldea!

Irakasleak talde bakoitzari pertsonaia bat esleitu eta ikasleak izan dira istorioen egile eta antzezleak. 

Batzuk beste talde batzuetan kolaborazio lanak ere egin dituzte.

Jarraian dituzue antzerkiak ikusgai, bakoitza bere izenburu eta argumentuarekin:

SUGE HEGAZTI BAT

PRINTZEA NESKAZ JANTZITA

ERREGEA ETA ERREGINAREN OPORRAK

BOST BEGIKO ERRALDOIA

BI BURUKO TXAKURRA

Antzerkigintza: Lehen saiakera

Duela pare bat aste 1.maila B taldeko ikasleek egindako antzerkiak ikusgai jartzen ditugu gaurkoan. 

Ikasle talde bakoitzak ipuin baten izenburupean, antzerkia prestatu eta gelaren aurrean antzeztu zuten.

Benetako artistak dirudite!

Espero baino lehenago obra berriekin izango gara bueltan...

ZIRKOAN IZAN GARA!

Pasa diren asteko hiru egunetan, bazkal ondoren zirkoan izan gara.

Joan zen astean, 3.mailako ikasleek gonbidapenak ekarri zizkiguten eta asko poztu ginen. Soin Hezkuntzako saioetan prestatutako ikustaldia ezagutzera emateko momentua heldu zaie.

    

Lehen zikloko azken bi taldeak gaur izan gara zirkoan: lehoiak, gizon indartsuak, gimnastak... izan dira ikusgai.

Bikaina izan da aktuazioa!

LH 2.MAILAKOEN ESKUTIK... MERKATU PERTSA BATEN ANTZERKIA!

Musikako saioetan eraiki dugu jarraian ikusi dezakezuen antzerkia.

"Merkatu pertsa baten" izenburua duen Ketelbeyen obran oinarritutako antzerkia da hain zuzen ere.

Saioetan zehar prestaketa lanak eginda, hona hemen azken emaitzak ikastaldeka ikusgai:

2.A

2.B

2.C

IKASTURTEKO AZKEN ASTEA HASTEKO... ANTZERKIA!

Ekainak 15a heldu zaigu, ikasturteko azken astelehena!

Udako giroa ez dugun arren, udako oporrak bertan ditugu.

Ikasleen artean nabari da: nekatuta gauden arren, azken aste honetan gozatzeko prest gatoz.

Gaurkoan gainera, Lehen Hezkuntzako bigarren zikloko ikasleen eskutik antzerkira joateko gonbidapena jaso dugu. Bi antzerki izan dira ikusgai, hurrengo izenburupean:

LH 3. mailakoak:

• Ur tanta
• Sagu kaxkarina

LH 4. mailakoak:

• Ikaskide berria
• Edabe magikoa

Egun euritsu honi aurre egiteko plan bikaina! Antzezle bikainak izan dira eta Lehen zikloko ikasleok primeran pasa dugu.

Beste barik, aste bukaera heltzeko gogoz agurtzen gara!

ANTZERKIAK IKUSTERA GONBIDATUAK GAURKOAN

Gaur, hilak 24, LH 3 eta 4. mailako lau ikasle taldek Sormena ikasgaian prestatutako antzerkiak eskeini dizkigute.

Bazkal ondoren, 15etan, ginasiora joateko gonbidapena jaso genuen. Bertan, lau antzerki ikusi ditugu, lau izenburupean: "Ipuinen herriko erregea", "Printzesa tristea", "Jon ausarta" eta "Erregearen froga".

Antzezle bikainak izan dira oholtza gainean eta lehen zikloko ikasleak primeran pasa dugu, barre algaren artean.

ANTZERKIRA GONBIDATUAK IZAN GARA

Gaur goizean antzerkiez gozatzeko aukera izan dugu. Duela egun batzuk pozez jasotako gonbidapenarekin gimnasiora hurbildu gara lehen zikloko ikasle eta irakasleak.

Lehen Hezkuntzako bigarren zikloko ikasleek, 3. eta 4. mailakoak, izan dira antzezleak. Bi antzerki eskaini dizkigute:

1. "Jesusen Jaiotza"
2. "Elurrezko panpina"

Bikain aritu dira eta guk primeran pasatu dugu.

Txalo zaparrada batekin agurtu ditugu, hurrengoan ere beraien gonbidapena jasotzeko itxaropenarekin.