ANTZERKIA IKUSTERA JOAN GARA!

Gaur, bazkal ondoren, hirugarren, laugarren eta bosgarren mailako ikasleek prestatutako antzerkiak ikusteko aukera izan dogu.

Sormen orduetan, antzerkiko taldeko ikasleek, lau obra eskaini deuskuez.
Barre algarak eragin eta arretaz istorioez gozatzeko aukera izan dogu.

Eskerrik asko antzezleei!!

IRUDIETATIK IPUINAK SORTZEN

Ikasle txikitxoak diran arren, sormena garatzeko jarduerak egiten oso ondo pasatzen dabe. Muralak, istorioak... sortzen ikustea, gozamena da guztiontzako.

Gaurkoan, ikasle baten istorio laburra konpartitzera goaz. Atxikitutako bi irudietatik abiatuta sortuta:

AUTOBUS MAGIKOA

Bazan behin autobus magiko bat egoan herri baten baina jendeak ez ekian magikoa zala. Bakarrik pertsona batek jakin eban magikoa zala. Pertsona bat autobusera igo zan. Apur bat geroago aspertzen hazi zan, eta mugikorra hartu nahi eban. Baina artaziak eukazan poltsan eta atzamar bat moztu eban. Autobusa konturatu egin zan eta atzamarra berriro bere lekuan ipini eutsan. Pertsona horrek ez eukan lanik, orduan pentsatu eban autobusa zaindu ahal ebala. Eta hala bazan edo ez bazan sartu dadila kalabazan!

Espero dogu gustokoa izatea.

ASTE BIKAINA IZAN DAIZUELA, OPORRAK BERTAN DAGOZ ETA!

ZAPATUAN: ZUHAITZAREN EGUNA

Nahiz eta eguraldi eskasa iragarrita egon, goizean zehar ekintza ezberdinez gozatzeko aukera izan genduan zapatuan.

Dantzak ikusi, zuhaitza landatu, loreak jaso, etab. Gelatik kanpo baina ikastolan, goiz zoragarria pasatu eben lehen ziklotik hurbildu ziran familiak.

Korridoreetako dekorazioak eta ikasle bakoitzak egindakoa erakusteko aukera ere izan eben.

Orain hurrengo urteko Zuhaitz Egunera itxaron beharko dogu!

Bitartean ere, ondo izan!

BADATOR 2014KO ZUHAITZAREN EGUNA

Datorren zapatuan, martxoaren 22an, Ikastolan Zuhaitz Eguna ospatuko dogu. 

11etan dantzak hasiko dira,12etan zuhaitza landatu,12:30etan eskulanak erakutsi, lorak landatu eta jolasak egingo dira. Azkenik, 13etan landaren banaketa izango da. 

Etxetik berziklatzeko materiala ekarri beharko da, jaialdirako "sarrera" lortu eta landara hartzeko tiketa eskuratzeko (landara bat jasoko da pertsonako). 

6. mailako ikasleak lagundu egingo deutsue ekintza ezberdinak egiten eta ikastolatik ez galtzen. Gainera gure ikasle nagusiagoak ere, "bidezko merkataritza"ko produktuak salgai jarriko dabez. 

ANIMATU ZAITEZTE MESEDEZ, OSO DIBERTIGARRIA IZANGO DA ETA!

INAUTERIAK 2014

Ikasturte honetako inauteriak ospatzeko garaia da. Dotore-dotore jantzita etorri dira lehenengo eta bigarren mailako ikasleak: bakeroak, indioak...

Janzkera bereziaz gain, egun berezia izan da gaurkoa: dantza ikuskizuna eta dantzaldiaz gozatzeko aukera izan dogu guztiok! Lehen ziklokoak ere dantza bat eskaini deuskue.

Argazkietan ikusi daikezue zein ondo ibili garan!!

ASTEBURU LUZE ONA IZAN ETA OSO ONDO PASA!!

MOZORROAK PREST AL DAUKAZUEZ?

Bihar ospatuko dogu ikastolan Inauteri Jaia.

"Far West" gaia da aurtengoa. Beraz, indioak, bakeroak, enterradoreak, barberoak, behiak, zaldiak, presoak, etab. izango doguz lehen zikloko ikasleen artean ere.

Zuek ze mozorro daukazue prest biharko?

MOZORROA JANTZI ETA EGUN BIKAINA IGAROTZEKO INDARTSU ETORRI ZAITEZE!!

SANTA AGEDA EGUNA

Gaurkoan Haur Hezkuntzako 4 urteko haurrak etorri jakuz abestera.

Makilak eskuan hartuta eta dotore-dotore jantzita igo dira. Abestu eta bitartean makilagaz kolpeak joten ikuskizun zoragarria eskaini deuskue.

Ikastolatik zehar Haur Hezkuntzako 5 urteko umeak ere ibili dira kantari. Oruera, Zaharren Egoitzara, hurbildu dira baita.