UDAZKENA HELDU ZAIGU!

ALDATU DIZKIOGU HOSTOAK GURE ZUHAITZARI!

Gaur goizeko 10etan udazkena hasi da ikastolan ere. Garaian garaiko eguraldi ilunarekin eman diogu hasiera.

Patio orduan barruan izan gara, ia udazkenean egon arren eguzkiak kanpora irtetzeko aukerak ematen dizkigun hurrengo egunetan...

AURTEN ERE BERTAN GAUDE GU!

IAZ LEHEN MAILAN ETA AURTEN BIGARREN MAILAN GAUDE!

Udako oporrak pasata ikasgela berean bada ere, bigarren mailako ikasleak gara jada. Tutore berdinen gidaritzapean borobilduko dugu lehen zikloa.

Hona hemen blog honetako partaide beteranoen iazko argazkiak:

2. MAILA A

2. MAILA B

2. MAILA C

ASKO ALDATU AL GARA?

LASTER IZANGO DITUGU AURTENGO ARGAZKIAK ESKURA!! 

HELDU ZAIGU IKASTURTE BERRIA!!

KONTURATU ORDUKO HEMEN DUGU 2015-2016 IKASTURTEA!

Opor bikainak pasata bueltatu gara guztiok.

Lehen Hezkuntzako lehenengo mailara ikasle berriak etorri zaizkigu eta lehen egunean urduritasuna eta poza nahastean izan ditugu korridoreetan.

Ikasturtea hasi berri denbora piloa dugu aurretik, etapa berrira egokitu edota iazko gela berean ikasten eta gozatzen jarraitzeko.

FAMILI, IKASLE ZEIN IRAKASLEOK EKIN DIEZAIOGUN INDARREZ JATORKUN IKASTURTEARI!

AGUR 2014-2015 IKASTURTEARI!!

Azken eguna bukatuta bagoaz udako oporrez gozatzera!

Familiarekin disfrutatu, piloa jolastu eta deskantsatzeko nahi beste denbora izango dugu bi hilabete eta erdi hauetan.

Datorren ikasturtean blogeko protagonista berriak izango ditugu: Haur Hezkuntzako 5 urteko gelatik jatorkuzan ikasleak hain zuzen ere. Gure nagusiak ordea, LH 2.maila egin berri dutenak, goiko pisura joakuz.

Oso ondo pasatuko duzuelakoan, Lehen Hezkuntzako lehen zikloko ikasleok agurtzen zaituztegu. 

AGUUUUUUUUUR

Sinadura

Lehen mailako ikasleak

Bigarren mailako ikasleak

IKASTURTEKO AZKEN ASTEA HASTEKO... ANTZERKIA!

Ekainak 15a heldu zaigu, ikasturteko azken astelehena!

Udako giroa ez dugun arren, udako oporrak bertan ditugu.

Ikasleen artean nabari da: nekatuta gauden arren, azken aste honetan gozatzeko prest gatoz.

Gaurkoan gainera, Lehen Hezkuntzako bigarren zikloko ikasleen eskutik antzerkira joateko gonbidapena jaso dugu. Bi antzerki izan dira ikusgai, hurrengo izenburupean:

LH 3. mailakoak:

• Ur tanta
• Sagu kaxkarina

LH 4. mailakoak:

• Ikaskide berria
• Edabe magikoa

Egun euritsu honi aurre egiteko plan bikaina! Antzezle bikainak izan dira eta Lehen zikloko ikasleok primeran pasa dugu.

Beste barik, aste bukaera heltzeko gogoz agurtzen gara!

IKASTOLAKO JAIA 2015

Heldu da eguna! 

Bihar, ekainak 13, Ikastolako jaia ospatuko dugu. Goizetik hasita, egun osoan zehar ekintza ezberdinak izango dira parte hartu edo ikusle lez gozatzeko.

Lehen ziklokoek musika entzunaldian parte hartuko dugu eta bikain irtengo dela ziur gaude. 

Ondoren, euskera batzordeko jolasetan eta tailerretan dibertitu eta elkarrekin bazkaltzeko aukera izango dugu.

Bazkal orduan indarrak hartuta, arratsaldea dantzan emateko prest izango gara. 

Ezin ditugu puztarriak ahaztu ere!

Egun zoragarria izatea espero dugu!!

BAZKAL ONDOREN... ETXERA!!

Uda giroan hasi dugu ikasturteko azkenaurreko astea. Oporrak hurbil daude eta korridoreetan ere igerri egiten da.

Hori gutxi balitz, gaurtik ikasturte bukaerara arte goizeko ordutegia izango dugu. Goizean klaseak eman, errekreoan jolastu eta jantokitik pasa ondoren, autobusera igo eta etxera bueltan goaz. 

Azken bi asteak konturatu orduko pasako zaizkigulakoan gaude!