EGUZKI EGUNAK APROBETXATZEN DITUGU

Udazkena izan arren, egun eguzkitsuak izan ditugu azken astean.

Lehen zikloko ikasle eta irakasleek eguraldia topera aprobetxatu dugu.

Atzo arratsaldean, irteeran joan ginen Ikastolako inguruetara.

Gainera, astebete gehiago jolasorduko tartea kanpoko jolastokian igaro dugu.

 

Ez dakigu noiz arte iraungo duen, baina eguzkia dagoen bitartean goazen eguraldiaz gozatzera!

UDAZKENA IKASTOLAN

Irailaren 22an udazkena hasi zaigu ikastolan baita.

Gelako apaingarriak aldatu eta ikasleekin udazkenak zer dakarren komentatuta, prest gaude udazkeneko egun luzeagoei autre egiteko.

Esaerak dioen bezala: "Udazkeneko ziza, ase egiteko gauza"

2014-2015 IKASTURTEA MARTXAN DUGU!

Oporraldia bukatuta, ikasleak bueltan gaude ikastolan. Lehen ziklora ikasle berriak etorri zaizkigu: Haur Hezkuntzako bost urteko gelatatik igo direnak eta beste ikastetxe batzuetatik gurera etorri direnak baita.

Lehen egunean elkar ezagutu, udan egindakoa partekatu eta denbora luzez jolasteko aukera izan dugu.

Bazkalduta eta pozik joan dira etxera bueltan. Orain etxekoekin lehen egunean bizitakoa konpartitzera doaz! Gozatu arratsaldeaz!

UDAKO OPORRAK!

Ekainak 20, 2013-2014 ikasturteko azken eguna.

Ikaskideak eta irakasleak agurtuta opor luze bezain dibertigarriak pasatzeko gogoz joan gara lehen zikloko ikasleak.

Datorren ikasturtean, lehen mailakoak izan garanak zikloko nagusiak izango gara eta bigarren mailakoak zikloz aldatuko gara. Hala ere, blog ezberdinetan gure ekintzen berri izaten jarraituko dozue.

OPOR BIKAINAK PASA ETA IRAILEAN BERRIZ ELKARTUKO GARA!!

IKASTOLAKO JAIA 2014

Joan dan zapatuan ospatu genduan ikastolako jaia.

Goizetik hasita, ikasleek musika emanaldia eskaini euskuen.

Bigarren mailako ikasle taldeak, perkuzio orkestako partaide bihurtu ziran "Moita Festa" abestia interpretatuz.

Ondoren, gynkanan parte hartzeko aukera izan eben.

Bazkal ondorengo izozkia janda, ikasleek prestatutako antzerkiez gozatzeko aukera izan genduan.

Eguraldiak lagunduta, gerturatu ginan guztiok lagunekin egun zoragarria pasatzeko aukera izan genduan!

Kurtsoa bukatzeko geratzen diran bi asteetarako indarrak hartuta etxeratu ginan guztiok.

IRTEERA IZAN DABE LH 1.MAILAKOAK

Gaur zikloko txikitxoak Sukarrietan izan dira.
Madariaga Dorrea bisitatu eta eguraldi ona aprobetxatuz hondartzan bazkaldu eta arratsaldea pasa dabe.

Bikain ibili dira!

HELDU JAKUZ ASTE SANTUKO OPORRAK

Gaurkoa bai! Aste Santuko oporren aurreko azken eguna da. Ikasleek urduri eta pozik igaro dabe eguna.

Orain, bi aste daukaguz, indarrak hartu eta oporretatik bueltan geratzen jakuzan zortzi asteetan topera egoteko. Apirilaren 28an elkartuko gara berriz ikastolan. Bitartean deskantsatu eta familiarekin disfrutatu eizue guztiok.

DANOK OPOR BIKAINAK IGAROTZEA ESPERO DOGU!