Zientzia erakusketa!!

Batxilerrekoen esperimentuen erakusketa!!

Atzo batxilerreko ikasle talde batzuk lehenengo ziklora etorri ziran beraiek ikertutako esperimentuak egin eta azaltzera.

Esperimentuak ikusgarriak izan ziran, eta gainera, guk ere parte hartu gendun horiek egiterakoan. Hona hemen atzoko argazki batzuk:

Olentzero eta Mari Domingi ikastolan!!

Olentzero eta Mari Domingiri ongi etorria!!

Poz-pozik eta ilusioz beterik ibili gara Gabon aurretiko azken egunean. Olentzero eta Mari Domingi izan ditugu eta gelan landu eta idatzitako eskutitzak eman dizkiegu.

Urtean zehar ondo portatu gara, ia eskatutako opari eta zoriona ekartzen digun gure Olentzero maiteak!

Kantuz kantu!!

Kanta-kantari ibili gara!!

Gaur aspalditik entseguan gabizan gabon kantak kantatzea egokitu zaigu. Goizean, Orueko egoitzara joan gara, urtero lez bertakoei gure kantuak eskaintzera.

Arratsaldean ordea, gimnasioan gabon kanten jaialdia ospatu dogu. Bertan,  Haur Hezkuntzako 4 eta 5 urteak Lehen Hezkuntza osoarekin batera elkar kantuak erakusten ibili gara.

Hona hemen egunean zehar bildu ditugun argazkiak:

Gabon kantak!!

Gabonei hasiera eman diegu!!

Gaurko egunean, abenduaren 18an, domeka, gabonei hasiera eman diegula esan genezake. Izan ere, koroko ikasleek, durangaldeko ikasle bolondresekin batera, Durangon bertan ospatzen den Gabon kantak ekitaldian parte hartu dute. 

Giro paregabea bizi izan dugu eta hasiera ezinhobea izan da datozan garaietako kantak entzun eta abesteko!!

Euskararen eguna!!!

Zoragarri joan zen Euskararen eguna!!

Euskararen eguna bikain ospatu gendun lagun artean. Hainbat ekintza prestatu zuten Euskara batzordekoek. Eguraldia lagun izanda, primeran aritu ginen jolas eta dinamika desberdinetan parte hartzen.

Hala ere, gogoratu, urteko egun guztiak direla Euskararenak!!

Jolas azoka 2016!!

Urtero gogotsu itxaroten dogun azoka gaur izan dogu!!

Egun berezia izango zela bagenekien, izan ere, pasadan astean utzitako jolasak gaur erosteko aukera izan dogu. Batzuk argi izan dogu zein jolas erosi, beste batzuk ordea buruahuste handiak izan doguz.

Agenda 21ekoa esan dutenez, gaineontzeko ikasleak azokan erosketak egindakoan jakingo dugu zein izan den aurtengo diru bilketa.

BIGARREN ESKUKO AZOKA!!

Laster bigarren eskuko azoka izango dogu!!

Jakin dakizuenez, bigarren eskuko azokak urtero arrakasta handia izaten du, eta aurten, ez da gutxiago izango.

Horretarako, danon parte hartzea behar dugu. Astelehen goizean, azaroaren 21ean, Iñaki Malax gimnasioan egongo da agenda 21eko arduradunekin batera, etxean erabiltzen ez dituzuen jolasen zain. Beraiek antolaketaren ardura hartu dute, baina esan bezala, guztion parte hartzea ezinbestekoa da.

Azaroaren 28tik 30ra azokan erosteko aukera izango dugu!!